lundi 1 mars 2010

Cadeau pour le mariage de Jean du Lys, neveu de la Pucelle, 1457

Extraits des quatre premiers registres des comptes des recettes et dépenses de l'Hôtel de ville d'Orléans, année 1457-1458.

 
A Symon le Mazier, demourant à l'Enge, le lundi xviiie jour du mois de juillet M CCCC LVII, pour cinquante et une pintes de vin, tant blanc que vermeil, pris ledit jour en son hostel et presenté par la ville au disner et soupper des nopces du filz messire Pierre du Lis, chevalier, frère de feue Jehanne la Pucelle ; pour ce qu'il estoit venu faire sa feste du village en ceste ville et n'avoit point de bon vin vieil de provision pour povoir festoyer et faire plaisir à messeigneurs de la justice et autres notables gens de ladicte ville et de dehors, qui estoient venus ausdictes nopces, 52 s. p . ; c'est assavoir pour quinze pintes de vin blanc, 10 s. p., et en trente six pintes vin vermeil, à 14 d. la pinte, 42 s. Pour ce, payé audit Simonnet, par l'ordonnance desdiz procureurs, 52 s. p.

A Michelet Filleul, l'un des procureurs, la somme de vint livres tournois qui, par l'ordonnance desdiz procureurs, a esté par lui presentée ou nom de la ville au filz dudit messire Pierre Dulis, chevalier, le mardi xix° jour dudit mois, en aulmentacion de son mariage, pour considéracion des grans biens, bons et agréables services que fist durant le siége feue Jehanne la Pucelle, seur dudit messire Pierre du Lis, à ceste cité d'Orliens. Pour ce, audit Michelet, ledit jour, 16 1. p.

 
Audit Michelet, ledit jour, pour une bource par lui achaptée, en quoy il a présenté la somme dessusdicte en monnoie, 2 s. 4 d.

Aucun commentaire: